meatology

علم اللحوم، هل في حاجة اسمها كده؟ هل هو علم فعلا؟! مين اللي بيدرس العلم ده؟ أنا كمستهلك ااقدر أستفيد ازاي؟ أسئلة كتير ممكن تيجي في دماغك و أسئلة مش هتيجي في دماغك بس هتلاقي اجابات ليها كلها ، اللينك ده هيغير وجهة نظرك و رؤيتك و دائما خليك فاكر صحتك دنيتك

في البداية حابين انكم تتعرفوا على MEATOLOGY و ليه اخترنا الاسم ده؟؟!!
احنا كأطباء بيطريين فكرنا ازاي نقدر نفيد المجتمع من خلال دراستنا و خبرتنا و كان MEATOLOGY الفكرة اللي قررنا بيها اننا نخدم المجتمع اللي للاسف بقى يتعرض لغش في اللحوم وصل لدرجات كبيرة جدا و بقينا نشوف الكلام ده في التليفزيون و مواقع التواصل الاجتماعي و من هنا اتولدت فكرة MEATOLOGY في اذهاننا, لكن زي ما الفكرة مهمة التنفيذ برضه مهم و اشتغلنا كتيييييييييير علشان الفكرة تتنفذ على ارض الواقع بشكل مثالي و نقدر نقدم بيها الخدمة بشكل مثالي.
احنا في MEATOLOGY بنقدم لحوم بلدي امنة 100% طعمها حلو و جودتها عالية و ده ناتج اننا بنتابع كل المراحل لغاية لما اللحمة توصل للعميل مش بس كده احنا هدفنا توعية المجتمع بالطريقة الصحية لحفظ و تداول و كمان تناول اللحوم على اسس علمية و صحية.
مبدأنا الاساسي في MEATOLOGY هو صحة و رضاء عملائنا و ده وعد مننا انك هتشتري لحمتك و انت مطمن.
اختيار اسم لينا كان من الحاجات الصعبة و المهمة في نفس الوقت و استقرينا ان MEATOLOGY يكون اسمنا و شغلنا في نفس الوقت, كلمة MEATOLOGY ملهاش معني في اللغة الانجليزية ,بس كلمة MEAT معناها ”لحم“ في اللغة الانجليزية و كلمة OLOGY معناها ”علم“ في اللغة اللاتينة القديمة فاخترنا اسم MEATOLOGY = علم اللحوم.